Paman reya orengnga
ekenning koca’ sogi, mangkana
kan pas entar umroh. Paman andhi’
toko rajha e pasar, e seddi’na
romana, sela jariya garus. Biyasana, bhu-obhuwanna oreng sogi reya mun ta’ motor, ya, mano’. Laaa…, Paman reya lebhur ka mano’ labhed (lovebird). Sa’ellana mangkata ka umroh abareng binina ban mattowana, Paman menta ater ka Kacong se lebbi pangalaman.
E BANDARA
Paman: “Ellu’ gallu, pae’ mun gun jeng-manjeng edinna’, Cong. Tadha’ barung kobhi
(kopi) edinna’?”
Kacong: “Badha, Nom, keng larang.”
Kacong: “Badha, Nom, keng larang.”
Paman: “La iyye rah. Tekka’a la larang, masa’ pas ta’
kellara majar?”
Kacong: “Enggi tore nyare. Beh, Bhibbi’ ma’ ta’ eyajak,
Nom?”
Paman: “Enja’, sengka ca’na. Dhina bhibbi’na ma’ neng ban
emma’na e lowar.”
Kacong: “Enggi tore pon.”
Kacong pas ngajak pamanna entar ka kafe se bagus. Gi’ ta’ toju’ kana, pas Paman ngoca’
laju atanya.
“Mun edinna’ olle aroko’, Cong?”
“Olle, Nom!”
Paman pas langsung nyolet rokok, pas ngoca’ pole:
“Sengko’ messenagi
kopi luwak!”
“Tak anapa tekka’a larang?”
“La pah messen koh, ja’ nya’ bannya’ rembhak.”
Ella ra poko’na. Samarena pi-kopian ban ko’-roko’an, Paman
pas ngajak mole.
Paman: “Tanya’ agi, Cong, abi’ barempa kowah!”
Kacong pas atanya abi’na. Kopi luwak du cangker gun ban roti
pas temmo abi’ 350 ebu.
Kacong: “Tello’ saeket
ca’na, Nom!”
Paman: “Apa? Tello’
saeket apa jiya?”
Kacong: “Beh, enggi tello’ saeket ebu, Nom…”
Paman: “Adduana’… palang!”
Mare majar, Paman ban Kacong pas nyengla sambi ajalan
na-ta’mana, Paman pas ngoca’ ka Kacong.
“Daggi’ ba’na se ngoca’ ka bhibbi’na, ya, Cong! Kabhala ja’
engko’ gi’ buru maburu labhed kowah, yeh!!”
---
Editor Bahasa Madura: Nurul Hidayat